Egey dənizində batmaq təhlükəsi ilə üzləşən 67 miqrant xilas edildi

Egey dənizinin Türkiyənin Muğla vilayətinə düşən hissəsində batmaq təhlükəsi ilə üzləşən 67 miqrant xilas edilib. Qanunsuz yollarla Yunanıstana keçmək istəyən bu şəxslərin yunan tərəfindən Türkiyə ərazi sularına geri göndərildiyi bildirilir.

TodayPress xəbər verir ki, bu barədə Türkiyənin Sahil Mühafizə Xidmətindən məlumat verilib.

Əraziyə sahil mühafizəsinin gəmiləri göndərilib.

Miqrantlardan 34-nün Muğlanın Bodrum, 33-nün isə Datça rayonları ərazisində olduğu müəyyən edilib.

Rezin qayıqlarda olan miqrantlardan 13-ü azyaşlıdır.

Onlar aidiyyatı qurumlara təhvil veriliblər.