Efiopiya sürüşməsində ölənlərin sayı 23-ə çatdı

Efiopiyanın şimalındakı Amhara əyalətində baş verən torpaq sürüşməsi nəticəsində ölənlərin sayı 23-ə çatıb.

TodayPress xəbər verir ki, bu barədə "Frans Press" agentliyi təbii fəlakətlərin qarşısının alınması üzrə regional idarəyə istinadən məlumat yayıb.

Axtarış tədbirlərinin davam etdiyi qeyd edilir.

Xatırladaq ki, avqustun 24-ü axşam saatlarında Qondar şəhərinin şimal bölgəsində sürüşmə baş verib. Daha əvvəl 10 ölü barədə məlumat verilmişdi.

Təbii fəlakətlə əlaqədar 2,7 mindən çox insan təxliyə edilib və hazırda müvəqqəti məskunlaşma mərkəzlərindədir.