Dünyanın ilk trilyonçusunun adı açıqlandı

Amerikalı sahibkar, “Tesla” və “SpaceX” şirkətlərinin rəhbəri, “X” sosial şəbəkəsinin sahibi İlon Mask dünyanın ilk trilyonçusu ola bilər.

TodayPress xəbər verir ki, bu barədə “The Guardian” qəzeti “Informa Connect Academy” qrupunun analitiklərinə istinadən məlumat yayıb.

“Sərvət təhlili qrupunun yeni hesabatına görə, İlon Mask 2027-ci ilə qədər dünyanın ilk trilyonçusu olmağa yaxındır. Analitiklər bu qənaətə iş adamının sərvətinin ildə orta hesabla 110 faiz artmasına görə gəliblər” deyə məlumatda bildirilib.

Bu statusu alan ikinci şəxs hindistanlı milyarder, “Adani Group” biznes konqlomeratının yaradıcısı Qautam Adani ola bilər. Ekspertlərin fikrincə, bu, 2028-ci ildə baş verə bilər.

Töhfə Səməd