COVID-19-u zərərsizləşdirən antikor kəşf edildi

Texas Universitetindən və digər elmi qurumlardan olan amerikalı alimlər COVID-19-a səbəb olan virus “SARS-CoV-2”nin bütün məlum ştammlarını zərərsizləşdirə bilən antikor kəşf ediblər.

TodayPress xəbər verir ki, tədqiqatın nəticələri “Cell Reports Medicine “(CRM) elmi jurnalında dərc olunub.

Komanda “SC27” adlı geniş neytrallaşdırıcı plazma antikorunu kəşf edib. 

Mütəxəssislər antikorun dəqiq molekulyar ardıcıllığını əldə ediblər ki, bu da onun daha geniş miqyasda istehsal imkanlarını açır.  

Qoruyucu antikorlar, virusun bədəndəki hüceyrələrə yapışdığı və yoluxduğu nöqtə rolunu oynayan sünbül zülalı adlı virus hissəsinə bağlanır. Sünbül zülalını bloklayaraq, antikorlar bu qarşılıqlı əlaqəni dayandırır və infeksiyanın qarşısını alır.  

Günəş Mərd