"Coca-Cola" Trampın qərarından yararlandı

ABŞ Prezidenti Donald Trampın tətbiq etdiyi yeni ticarət rüsumları "Coca-Cola" şirkətinin rəqibi "Pepsi" üzərində üstünlük qazanmasına səbəb olub. 

TodayPress xəbər verir ki, bu barədə "The Wall Street Journal" məlumat yayıb. 

Belə ki, "Coca-Cola"nın əsas istehsalı ABŞ-də həyata keçirilir.

Lakin "Pepsi" öz içki konsentratlarının bir hissəsini İrlandiyada istehsal edir.

ABŞ hökuməti İrlandiyadan gələn məhsullara 20% əlavə rüsum tətbiq etdiyinə görə, Pepsi məhsulları baha başa gəlir. 

Bu da "Coca-Cola"nın qiymət baxımından üstünlük qazanmasına səbəb olur. 

Tramp bu rüsumları 185 ölkədən gətirilən mallara tətbiq edib.

Sonradan 75 ölkəyə 90 günlük istisna verilib, amma İrlandiya bu siyahıda olmayıb. 

Türkan İsgəndərli