Çinin xaricdən qaz alışı artdı

2024-cü ildə Çinin xaricdən qaz alışı 2023-cü illə müqayisədə 9,9% artıb, neft idxalı isə 1,9% azalıb.

TodayPress xəbər verir ki, bu barədə Çinin Baş Gömrük İdarəsinin məlumatında bildirilib.

Məlumata  görə, dekabrda Çin xaricdən 11,55 milyon ton qaz (aylıq 7% artım) və 47,84 milyon ton neft (1,4% azalma) alıb. Dəyər ifadəsində qaz və neft idxalı 5,9 milyard dollar (11,3 faiz çox) və 25,42 milyard dollar (3,2 faiz az) olub.

Qeyd edək ki, Rusiya Çinə enerji resurslarının aparıcı ixracatçısıdır. 2023-cü ildə Çin Rusiyadan 107 milyon ton neft və 8 milyon ton maye qaz alıb. Rusiya boru kəməri qazının Sibirin gücü ilə Çinə nəqli isə 1,5 dəfə artıb.

Aynur TAC