Çin kommersiya raketi buraxıldıqdan sonra partladı

Çinin "Kinetica-1" (Lijian-1 Y6) kommersiya daşıyıcısının sınaqları uğursuz alınıb.   

TodayPress “TASS”a istinadən xəbər verir ki, bu barədə “CAS Space” tərtibatçı şirkəti məlumat yayıb.

Şirkət bildirib ki, raket dekabrın 27-də "Dongfeng" kommersiya kosmik innovasiya pilot zonasında buraxılıb.

Mühərrikdə üç saniyə sonra nasazlıq  baş verib. Bundan sonra təhlükəsizlik sistemi işə salınıb və bu, “Kinetica-1”in özünü məhv etməsinə səbəb olub. 

“CAS Space” rəhbərliyi tərəfdaşlarından üzr istəyib və gələcəkdə uğurlu buraxılışlar üçün araşdırma aparmağa və mümkün olan hər şeyi edəcəyinə söz verib.

Günəş Mərd