Çin ABŞ-yə avtomobil tədarükünü rekord həddə çatdırdı

2024-cü ilin ilk on ayının sonunda Çindən ABŞ-yə avtomobil tədarükü yeni tarixi rekorda çatıb.

TodayPress xəbər verir ki, bu barədə ABŞ-nin statistika agentliyi məlumat yayıb. 

Əldə edilən nəticə bütün statistik müşahidələr tarixində, yəni 1992-ci ildən bəri maksimum (yanvar-oktyabr ayları üçün) olmuşdur. Oktyabr ayında Çin ABŞ-yə 398,6 milyon dollar dəyərində avtomobil göndərib. Ay ərzində ixracın dəyəri 1,4 dəfə artıb.

ABŞ-də ən böyük tələbat mühərrikinin həcmi 1,5 ilə 3 min kub santimetr arasında olan avtomobillərədir. Yanvar-oktyabr aylarında bu ixrac kateqoriyasının ümumi dəyəri 1,45 milyard dollar təşkil edib. Digər populyar növlər qolf, qar arabaları və digər oxşar avtomobillərdir (839,3 milyon). Öz növbəsində, hesabat dövründə Çindən ABŞ-yə hibrid avtomobillərin tədarükü 371,2 mln. olub. 

Bu müddət ərzində on və daha çox adamın daşınması üçün nəzərdə tutulan nəqliyyat vasitələrinin də təchizatı xeyli artıb. Söhbət əsasən elektrik mühərrikli avtobuslardan gedir. 2024-cü ilin on ayında bu ixrac kateqoriyasının dəyəri təxminən on dəfə artaraq 26 milyon dollar təşkil edib. Çin traktorlarının ABŞ-yə göndərilməsi iki dəfə artaraq 42 milyona çatıb.

Seçki kampaniyası zamanı Respublikaçılar Partiyasının namizədi Donald Tramp ABŞ-yə xarici məhsulların tədarükünə idxal rüsumları tətbiq etmək niyyətində olduğunu dəfələrlə bəyan edib. Tariflər, onun qeyd etdiyi kimi, gömrük dəyərinin orta hesabla 10-20 faizini təşkil edəcək. Eyni zamanda o, Amerika istehsalçılarını Çindən gələn məhsulların, o cümlədən avtomobillərin dominantlığından qorumaq üçün Çin mallarına 60 faizə qədər rüsum tətbiq edəcəyini vəd edib.

Töhfə Səməd