Çexiyada sərnişin qatarı relsdən çıxdı - Yaralılar var

Çexiyanın şimal-şərqindəki Olomouc şəhərinin yaxınlığında yerli sərnişin qatarı relsdən çıxıb.

Todaypress xəbər verir ki, qəza nəticəsində qatarda olan 7 sərnişindən ikisi xəsarət alıb. Dəyən maddi ziyan 16 milyon kron (təxminən 600 min avro) təşkil edib.

Ekspertlər fövqəladə vəziyyətin səbəblərini araşdırır. Dəmir yolunun hadisə baş verən hissəsində qatarların hərəkəti müvəqqəti olaraq dayandırılıb.