CENTCOM rəhbəri İsrailin müdafiə naziri ilə görüşdü

ABŞ Mərkəzi Komandanlığının (CENTCOM) rəhbəri Maykl Kurilla İsraildə bu ölkənin müdafiə naziri İsrael Kats və bir sıra hərbi komandirlərlə görüşüb. 

TodayPress xəbər verir ki, bu barədə CENTCOM-un “X” sosial şəbəkəsindəki səhifəsində məlumat verilib.

Görüş dekabrın 11-13-də İsrail Baş Qərargah rəisi general-leytenant Herzi Halevinin dəvəti ilə baş tutub. Kurill Halevi və Katz ilə görüşməklə yanaşı, İsrailin şimal hərbi dairəsinin komandanı general-mayor Ori Qordin və İsrail Hərbi Hava Qüvvələrinin komandanı general-mayor Tomer Bar ilə görüşüb.

CENTCOM-un məlumatına görə, hərbçilər Yaxın Şərqdə bir sıra təhlükəsizlik məsələlərini, o cümlədən Suriyadakı vəziyyət  və digər strateji və regional təhlükələrə hazırlığı müzakirə ediblər. 

Kurilla Livanda baş verənləri daha yaxşı başa düşmək üçün Şimal Komandanlığının qərargahını  və İsrail Müdafiə Qüvvələrinin (IDF) hava bazasını ziyarət edib. Bundan əlavə, ABŞ ordusuna İsrail ordusunun imkanları haqqında məlumat verilib və Birləşmiş Ştatlar ilə İsrail arasında davamlı hərbi tərəfdaşlıq təsdiqlənib.

Günəş Mərd