Bu ilin ilk altı ayında Şri-Lankada baş verən yol qəzalarında 1154 nəfər öldü

2024-cü ilin ilk altı ayı ərzində Şri-Lankada baş verən 1103 yol-nəqliyyat hadisəsi nəticəsində 1154 nəfər həyatını itirib.

TodayPress xəbər verir ki, bu barədə ölkənin nəqliyyat naziri Lasanta Acayavanna məlumat verib.

O bildirib ki, Yol Təhlükəsizliyi üzrə Milli Şura sürətə nəzarət avadanlığı almaq üçün Şri-Lanka polisinə 50 milyon rupi (təxminən 165 min ABŞ dolları) ayırıb.

Bundan əlavə, yol qaydalarına əməl etməyin vacibliyini aşılamaq üçün məktəb səviyyəsində Yol Təhlükəsizliyi Klubları yaradılacaq.

Xatırladaq ki, 2023-cü ildə Şri-Lankada baş verən 2200 yol qəzasında 2557 nəfər həlak olmuşdu.

Nəzrin Cavadzadə