Bu il Gürcüstanda NATO təlimləri keçiriləcək

2025-ci ildə Gürcüstanda NATO təlimləri keçiriləcək.

TodayPress xəbər verir ki, bu həftə Tbilisidə NATO-nun Birləşmiş Qüvvələrin Təlim Mərkəzinin yeni komandanı, general-mayor Boqdan Ritzereski səfərdə olub.

Məlumata görə, təlimlər 28 aprel - 8 may tarixlərində “Krsanisi” bazasında baş tutacaq və burada Azərbaycan, Albaniya, Bolqarıstan, Almaniya, Yunanıstan, Fransa, Macarıstan, Polşa, Slovakiya, Türkiyə və ABŞ hərbçiləri iştirak edəcəklər.

Qeyd edək ki, bundan əvvəl ABŞ strateji tərəfdaşlıq sazişini dayandırmış və 2024-cü il üçün nəzərdə tutulan “Noble Partner” təlimlərini ləğv etmişdi.

Aynur TAC