Bu il 1,38 milyard dollar kripto oğurlandı

Bu ilin ilk 6 ayı ərzində oğurlanmış kriptovalyutaların ümumi dəyəri 1.38 milyard dollar təşkil edib.

TodayPress xarici mətbuata istinadən xəbər verir ki, bu rəqəm keçən ilin ilk 6 ayı ərzində oğurlanmış kriptovalyutaların ümumi dəyərindən iki dəfə çoxdur. Məlumatda bildirilib ki, oğurlanmış kriptovalyutaların 70%-i baş vermiş 5 böyük kiberhücum sayəsində oğurlanıb. Bununla belə bu ilin ilk 6 ayı ərzində oğurlanmış kriptovalyutaların ümumi dəyəri 2022-ci ilin ilk 6 ayında oğurlanmış kriptovalyutaların ümumi dəyərindən (2 milyard dollar) aşağı olub.

Qeyd edək ki, bu il ən böyük kiberhücum Yaponiyanın DMM Bitcoin adlı kriptovalyuta birjasına edilib. Bu kiberhücum nəticəsində ümumi dəyəri 300 milyon dollar təşkil etmiş 4500-dən çox token oğurlanıb.