Britaniyada bıçaqlı hücumda 2 uşaq öldü, 9 nəfər yaralandı

İngiltərənin şimal-qərbində yerləşən Sautport şəhərində baş verən bıçaqlı hücum nəticəsində iki uşaq ölüb, altı nəfər ağır yaralanıb.

TodayPress xəbər verir ki, hadisə Teylor Svift temalı uşaq tədbiri zamanı baş verib. Hadisə nəticəsində doqquz uşaq yaralanıb, onlardan altısının vəziyyəti ağırdır. Məlumata görə, yaralıların hamısı bıçaq xəsarətləri alıb.

Bıçaqlı hücumu təşkil etməkdə şübhəli bilinən 17 yaşlı şəxs saxlanılıb. Onun adı açıqlanmayıb.

Polis hücumu terrorla əlaqələndirməyib. Lakin hücumçunun motivləri hələ aydın deyil.

Böyük Britaniyanın Baş naziri Keir Starmer bu xəbərin bütün ölkəni dərindən sarsıtdığını deyib. O, polis əməkdaşlarına və tibb işçilərinə cəld reaksiyalarına görə təşəkkür edib və hücum qurbanlarının ailələrinə başsağlığı verib.

Nəzrin Cavadzadə