Britaniya Ukraynaya 100 illik dəstək vəd etdi

Böyük Britaniyanın xarici işlər naziri David Lammi Ukraynaya 100 il dəstək vəd edib. 

TodayPress xəbər verir ki, bu barədə "RİA Novosti" məlumat yayıb. 

Kiyevdə ABŞ və Ukraynadan olan həmkarları ilə görüşdən sonra keçirilən mətbuat konfransında departament rəhbəri qeyd edib ki, tərəflər sanksiyalar, humanitar ehtiyaclar, enerji məsələlərini müzakirə ediblər. 

“Böyük Britaniyanın öhdəliyi, təkcə bu qış üçün deyil, biz 100 illik tərəfdaşlıqdan danışırıq, çünki biz Ukraynanı uzun müddətə dəstəkləyirik” deyə o, vurğulayıb.

Lammi bildirib ki, o, Ukrayna Silahlı Qüvvələrinə (AFU) Rusiya ərazisinin dərinliklərində hədəfləri vurmaq üçün uzaqmənzilli raketlərdən istifadə etməyə icazə verilməsi ilə bağlı müzakirələrin nəticələrini Böyük Britaniyanın Baş naziri Kir Starmerə çatdıracaq. 

Günəş Mərd