Braziliyada daşqınlar nəticəsində ölənlərin sayı 180 nəfərə çatdı

Braziliyanın cənubundakı Rio Qrande-du-Sul əyalətində qeydə alınan rekord daşqınlar nəticəsində azı 180 nəfər həyatını itirib.

TodayPress xəbər verir ki, bu barədə ölkənin mülki müdafiə agentliyi məlumat yayıb.

Bildirilib ki, hadisə nəticəsində 32 nəfər itkin düşüb.

Xatırladaq ki, aprelin 29-da başlayan leysan yağışları günlərlə davam edərək ştatın bütün şəhərlərini su altında qoyub. İyun ayının ortalarında daşqınlar səngiməyə başlayandan sonra xilasetmə və bərpa işlərinə başlanılıb.

Agentlik hesabatında qeyd edib ki, fırtınaların şiddətləndiyi vaxtda 450 mindən çox insan təxliyə edilib.

Nəzrin Cavadzadə