Botsvana prezidentinin ölkədə tapılan almaza reaksiyası gündəm oldu

Botsvana prezidenti Mokqvitsi Masisi ölkədə tapılan 2492 karatlıq almaza reaksiyası ilə gündəm olub.

TodayPress xəbər verir ki, bu barədə “Sky News” məlumat yayıb.

Sosial şəbəkələrdə yayımlanan kadrlarda Botsvana prezidenti gözlərini yumub, ovuclarını irəli uzatmış vəziyyətdə oturur. Almazın ona təhvil verilməsini gözləyir. Qadın onu Masisiyə verəndə o, gözlərini belə açmadan, almazdan təsirlənərək “oooh” deyir və əlavə edir:

“Bu, böyükdür. Bunu görmək mənə qismət oldu”.

Qeyd edək ki, bundan əvvəl Kanadanın “Lucara Diamond” şirkəti Botsvanadakı “Karowe” mədənində 2492 karat ağırlığında almaz tapmışdı. Bu daş son 120 ildə tapılan ən böyük almazdır. 

Günəş Mərd