Boliviyada daşqınlar 16 nəfərin həyatına son qoydu

Boliviyada keçən ilin noyabrından bəri baş verən daşqınlar nəticəsində azı 16 nəfər ölüb.

TodayPress xəbər verir ki, bu barədə ölkənin müdafiə nazirinin müavini Xuan Karlos Kalvimontes məlumat verib.

Onun sözlərinə görə, daşqınlar nəticəsində 16 013 ailə zərər çəkib, 335 evə ziyan dəyib, 194 ev dağılıb, 16 nəfər həlak olub.

Kalvimontes bildirib ki, ölkənin doqquz departamentində çayların sahillərini aşması təhlükəsi qalmaqdadır. Daşqınlara səbəb olan güclü yağışlar zamanı səlahiyyətlilər 18,3 ton humanitar yardım paylayıb.