Blinken Konqresə çağırıldı

ABŞ dövlət katibi Entoni Blinken Nümayəndələr Palatasının qanunvericiləri tərəfindən ABŞ qoşunlarının 2021-ci ildə Əfqanıstandan çıxarılması ilə bağlı ifadə vermək üçün Konqresə çağırılıb. 

TodayPress xəbər verir ki, bu barədə “Fox News” telekanalı məlumat yayıb.

Qeyd olunub ki, Blinken əvvəllər Konqres qarşısında ifadə verməkdən imtina edib və bu səbəbdən də yenidən çağırılıb. 

“O, sentyabrın 19-da qanunvericilərin qarşısına çıxmalıdır, əks halda nifrət ittihamı ilə üzləşəcək. Komitə bu dinləməni ona görə keçirir ki, Dövlət Departamenti qoşunların Əfqanıstandan çıxarılmasında əsas rol oynayıb və avqustda qeyri-döyüş evakuasiya əməliyyatı zamanı əsas orqan olub" məlumatda deyilir.

Qeyd edək ki, Dövlət Departamenti bundan əvvəl qoşunların çıxarılması və şəxsi heyətin təxliyəsi ilə bağlı yekun qərarların məhz Blinkenin verdiyi faktı təsdiqləyib.

Günəş Mərd