Belqorod atəşə tutuldu, yaralananlar var

Rusiyanın Belqorod vilayətinin atəşə tutulması nəticəsində doqquz nəfər xəsarət alıb.

TodayPress xəbər verir ki, bu barədə “TASS” məlumat yayıb.

“Belqorod vilayətinin Şebekino kəndində vəziyyət narahatedici dərəcədə ağırdır. Son sutkada 9 nəfər yaralanıb. Bir qadın ağır vəziyyətdə reanimasiyadadır” deyə regionun qubernatoru Vyaçeslav Qladkov bildirib.

Rəhbərin sözlərinə görə, səkkiz çoxmənzilli evə, 18 fərdi evə, 15 avtomobilə ziyan dəyib, evlərdən biri tamamilə məhv olub, iki avtomobil yanaraq yararsız vəziyyətə düşüb.