Belarus sərhədçiləri Ukraynanın təxribatları üçün heç bir ilkin şərt görmürlər

Belarus və Ukrayna sərhədində vəziyyət tam nəzarətdədir, təxribatlar görünmür.

TodayPress xəbər verir ki, bunu Belarus Dövlət Sərhəd Komitəsinin mətbuat katibi Anton Bıçkovski bildirib.

"Bu gün Ukrayna istiqamətində vəziyyət tam nəzarət altındadır. Gücləndirilmiş sərhədçilər cənub sərhədləri boyunca öz xidməti vəzifələrini davam etdirirlər" məlumatda qeyd olunub.

Bıçkovskinin sözlərinə görə, qonşu Ukraynada hərbçilərin təxribatlarının sayında xeyli azalma müşahidə olunub.

Daha əvvəl Belarus prezidenti Aleksandr Lukaşenko bildirib ki, Belarusun hava hücumundan müdafiə qüvvələri avqustun 9-da respublikanın cənubu üzərində Ukraynadan uçan bəzi pilotsuz təyyarələri vurub. Belarus lideri Ukrayna ilə sərhədə daha çox qoşun yeritmək barədə göstəriş verib.

Aytac Müşfiq