Bayden ABŞ Məxfi Xidmətinə tezliklə yeni rəhbər təyin etməyi planlaşdırır

“İyulun 13-də baş verənlərin tam ətraflı aydınlaşdırılması ilə bağlı müstəqil araşdırma davam edir. Araşdırmanın nəticələrini qiymətləndirməyi səbirsizliklə gözləyirəm. O gün baş verənlərin bir daha təkrarlana bilməyəcəyini hamımız bilirik. Kim Çitla ən yaxşısını arzulayıram və tezliklə yeni direktor təyin etməyi planlaşdırıram.”

TodayPress xəbər verir ki, bu barədə Co Baydenin Ağ Evin mətbuat xidməti tərəfindən dərc olunan bəyanatında qeyd olunub.

Xatırladaq ki, Kim Çitl ABŞ prezidentliyinə namizəd Donald Trampa qarşı törədilən sui-qəsdin qarşısını ala bilməməsinə görə Məxfi Xidmətin rəhbəri vəzifəsindən istefa verib.

Nəzrin Cavadzadə