Banqladeşdə tələbə-dövlət qarşıdurması davam edir, ölənlər var

Banqladeşdə tələbələrin hakimiyyətdəki qaydalara qarşı etiraza başlamalarından bu yana ölənlərin sayı 151-ə çatıb.

TodayPress, “Frans Press” agentliyinə istinadən xəbər verir ki, bu barədə ölkənin polis və həkim nümayəndələri məlumat yayıb.

Bildirilib ki, toqquşmalar nəticəsində ölənlər arasında polis əməkdaşları da var.

Xatırladaq ki, ötən həftə bir qurup tələbə məşğulluqda kvota sisteminin tətbiqinə qarşı etirazlara başlayıb. İğtişaşlar getdikcə böyüyüb və ölkədə komendant saatı tətbiq edilməyə başlanıb.  Banqladeş Ali Məhkəməsində məşğulluq kvotalarının ləğvi ilə bağlı müraciətə baxılmağa başlaması ilə əlaqədar iyulun 21-22-si istirahət günü elan edilib. Ölkədəki iğtişaşlar səbəbindən Baş nazir Şeyx Hasina İspaniya və Braziliyaya səfərlərini ləğv edib.

Töhfə Səməd