Avtobusla qatarın toqquşması nəticəsində 5 şagird öldü, 20 nəfər yaralandı

Cənubi Afrikada məktəb avtobusu ilə qatarın toqquşması nəticəsində 5 şagird ölüb, 20 nəfər yaralanıb.

TodayPress xəbər verir ki, Nəqliyyat Departamentindən verilən məlumata görə, avtobus və yük qatarının toqquşması çərşənbə günü günorta saatlarında Cənubi Afrikanın şərqindəki Mpumalanqa əyalətinin Middelburq şəhərində baş verib.

Departament qəza nəticəsində 5 uşağın həyatını itirdiyini, 20 uşağın ağır yaralandığını təsdiqləyib.

Hüquq-mühafizə orqanları qəzadan sonra avtobus sürücüsünün hadisə yerindən qaçdığını, qatarın maşinisti və ekipajının heç bir xəsarət almadığını bildirib.

Məlumatda bildirilir ki, qəzanın səbəbləri araşdırılır.

Nəzrin Cavadzadə