Araşdırma: Psixi pozuntuları olan yeniyetmələr…

Kembric Universitetinin alimləri psixi pozuntuları olan yeniyetmələrin sosial şəbəkələrdə daha çox vaxt keçirdiklərini və bu platformalardan fərqli emosional təcrübələrlə istifadə etdiklərini müəyyən ediblər. 

TodayPress xəbər verir ki, tədqiqat “Nature Human Behaviour” jurnalında dərc olunub.

Araşdırma 11–19 yaş aralığında olan 3340 yeniyetmə arasında aparılıb və bu sahədə klinik psixi qiymətləndirmələrə əsaslanan ilk tədqiqatlardan biridir. Nəticələr göstərir ki, psixi pozuntular, xüsusilə daxili gərginliklər, depressiya və təşviş yaşayan yeniyetmələr sosial mediada gündə orta hesabla 50 dəqiqə daha artıq vaxt keçirirlər.

Belə yeniyetmələr digər insanlarla özlərini daha çox müqayisə edir, bəyənmə və şərhlərdən asılı olaraq əhval dəyişkənliyi yaşayır və internetdə keçirdikləri zamanı idarə etməkdə çətinlik çəkirlər. Onlar, həmçinin onlayn “dost” sayından narazılıq ifadə edirlər ki, bu da özünə inamsızlıq və sosial rədd edilmə hisslərini daha da dərinləşdirə bilər.

“Bu araşdırma səbəb-nəticə əlaqəsini sübut etmir, lakin göstərir ki, psixi pozuntuları olan yeniyetmələr sosial şəbəkələrdən fərqli davranış nümunələri ilə istifadə edirlər” deyə tədqiqatın aparıcı müəllifi Luiza Fassi bildirib.

Qiymət Mahir