Andrey Yermak: Ukraynada raket hücumları nəticəsində ən azı 36 nəfər həyatını itirdi

Bu gün Rusiyanın Ukrayna ərazisində həyata keçirdiyi raket hücumları nəticəsində azı 36 nəfər ölüb, 140 nəfər yaralanıb.

TodayPress xəbər verir ki, bu barədə Ukrayna Prezident Ofisi Aparatının rəhbəri Andrey Yermak məlumat verib.

Bildirilib ki, bu gün səhər saatlarında Ukraynanın ən böyük pediatriya müəssisəsi olan Oxmatdit Uşaq Xəstəxanasında partlayış zamanı iki nəfər həlak olub.

Kiyevin meri Vitali Kliçko isə qeyd edib ki, xəstəxanada ölənlərdən biri həkimdir.

Onun sözlərinə görə, xilasedicilər daha çox insanın dağıntılar altında qalmasından ehtiyat edir, bu da ölənlərin sayının artmaqda davam edə biləcəyini göstərir.

Nəzrin Cavadzadə