Amazonda alov alan qayıqda ölənlərin sayı 5-ə çatdı

Braziliyanın şimalında Amazon çayında sərnişin qayığının yanaraq batması nəticəsində 5 nəfər ölüb.

TodayPress xəbər verir ki, göyərtəsində 200-dən çox adamın olduğu "M.Monteiro" sərnişin qayığı alov alıb.

Ştat hökuməti yaralı sərnişinlərdən ikisinin son bir neçə saat ərzində öldüyünü və bununla da ölənlərin sayını 5-ə çatdırdığını açıqlayıb.

Yerli medianın məlumatına görə, bəzi şahidlər yanğının atəşfəşanlıqdan qaynaqlandığını bildiriblər.

Qeyd edək ki,  bu, Amazon ştatında üç gün ərzində sərnişin qayıqlarının iştirak etdiyi ikinci yanğındır. Ötən şənbə günü "Comandante Souza III" qayığı baş verən yanğından sonra batmış, hadisə nəticəsində isə azı dörd nəfərin ölmüş, beş nəfər isə itkin düşmüşdü.

Nəzrin Cavadzadə