Amazon çayında qayığın batması nəticəsində 3 nəfər öldü, 9 nəfər itkin düşdü

Braziliyanın şimalında Amazon çayında qayığın batması nəticəsində bir yaşlı körpə də daxil olmaqla azı 3 nəfər ölüb, 16 nəfər yaralanıb, 9 nəfər itkin düşüb.

TodayPress “Xinhua”ya istinadən xəbər verir ki, 200-dən çox sərnişini daşıyan "M. Monteiro" adlı qayıqda baş verən partlayışın ardından yanğın meydana gəlib.

Polis sözçüsü və Hərbi Dəniz Qüvvələrindən verilən açıqlamaya görə, ən azı 183 nəfər sağ qala bilib.

Bu, Amazonasda sərnişin gəmisində son üç gündə baş verən ikinci yanğındır.

Şənbə günü "Comandante Souza III" qayığı yanğından sonra çevrilmiş, 4 nəfər ölmüş və 5 nəfər itkin düşmüşdü.

Nəzrin Cavadzadə