Aİ Ukraynaya 900 milyon avro ayıracaq

Avropa İttifaqı(Aİ) 2025-ci ilin sonuna qədər Ukraynaya silah və sursat alınması üçün dondurulmuş Rusiya aktivlərinin yenidən investisiyasından əldə edilən gəlirlərdən 900 milyon avro ayırmağı planlaşdırır.   

TodayPress xəbər verir ki, bu barədə Aİ-nin müdafiə məsələləri üzrə komissarı Andrius Kubilius Brüsseldə keçirilən Aİ-Ukrayna hərbi əməkdaşlığı konfransında çıxışı zamanı bildirib.   

Kubilius vurğulayıb ki, bu məbləğ ilin sonunadək Ukraynaya yönləndiriləcək və əsasən hərbi təchizatın gücləndirilməsinə xidmət edəcək.   

O həmçinin xatırladıb ki, Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas da mayın 9-da Lvovda keçirilən görüşdə Ukraynanın hərbi sənayesinə 1 milyard avro sərmayə qoyacağını vəd edib.

Bu vəsaitin müxtəlif növ pilotsuz uçuş aparatlarının istehsalına yönəldilməsi planlaşdırılır.   

Aysel Mətləb