Aİ Moskvaya qarşı “hərtərəfli” sanksiya paketini hazırlayır

Avropalı diplomatlar Rusiyaya qarşı sanksiyalar paketini dəyişməyə hazırlaşır. Çünki ABŞ-nin 45-ci prezidenti Donald Trampın hakimiyyətə mümkün qayıdışı Qərbin Moskvanı təcrid etmək səylərinə zərbə vura bilər.

TodayPress xəbər verir ki, bu barədə “Reuters”  yazıb.

Aİ rəsmiləri və nümayəndələr arasında danışıqlar Vaşinqton kursu dəyişsə belə, Rusiyaya qarşı daha sərt icra ilə dəstəklənən bir sıra təşəbbüslərə yönəlib.  

Bildirilib ki, mümkün addımlar arasında Rusiyaya göndərilən şübhəli malların daşınmasını müəyyən etmək və dayandırmaq üçün "hərtərəfli nəzarət" müddəaları, həmçinin neft tədarükünə daha geniş məhdudiyyətlər daxildir.  

“Reuters” vurğulayıb ki, əgər Trampın prezidentliyə gəlməsi ABŞ-nin Rusiyaya qarşı sanksiyaları aradan qaldırması ilə nəticələnsə, avropalılar daha qətiyyətli hərəkət etməli olacaqlar.

Günəş Mərd