Aİ Gürcüstanı vizasız rejimin ləğvi ilə hədələdi

Avropa İttifaqı (Aİ) Gürcüstanı ölkədəki “demokratiyanın tənəzzülü” səbəbindən vizasız rejimin mümkün ləğvi ilə hədələyib.

TodayPress xəbər verir ki, bu barədə “Politico” Avropa Komissiyasının nümayəndəsinə istinadən məlumat yayıb.

Bildirilib ki, Brüssel bütün variantları, o cümlədən vizanın liberallaşdırılmasının mümkün  ləğvini müzakirə edib.

Onun sözlərinə görə, Gürcüstan hakimiyyəti Aİ-yə gələcək inteqrasiya üçün müəyyən tələbləri yerinə yetirməlidir, o cümlədən vətəndaşların hüquqlarının müdafiəsini təmin etmək və ayrı-seçkiliyə qarşı mübarizə aparmalıdır.

“Şengen zonasının daxili təhlükəsizliyinə təhlükə yaradan belə bir inkişaf baş verərsə, eləcə də Gürcüstanda demokratiyanın daha da zəifləməsi halında lazımi qiymətləndirmə aparılacaq” o vurğulayıb.

Bundan əvvəl Tbilisi meri Kaxa Kaladze bildirib ki, Gürcüstan böyük dövlətlərin ondan Ukrayna kimi istifadə etməsinə imkan verməyəcək.

Onun sözlərinə görə, təhdid və sanksiya təzyiqlərinə baxmayaraq, Gürcüstanda sülh qalacaq və ölkə rəhbərliyi öz xalqının maraqlarına əməl edəcək.

Aynur TAC