Ağ Ev Putinin ABŞ seçkiləri ilə bağlı sözlərinə münasibət bildirdi

Rusiya prezidenti Vladimir Putinin Amerika seçkiləri ilə bağlı sözləri ABŞ administrasiyasının xoşuna gəlməyib.

TodayPress xəbər verir ki, bunu Ağ Evin sözçüsü Con Kirbi hökumətin “YouTube” kanalında yayımlanan brifinq zamanı deyib .

“Birləşmiş Ştatların növbəti prezidentinin kim olacağını müəyyən etməli olan yeganə insanlar Amerika xalqıdır. Əgər cənab Putin, birincisi, seçkilərimiz haqqında danışmağı dayandırsa, ikincisi, onlara müdaxiləni dayandırsa, biz çox minnətdar olardıq” Kirbi şərh edib.

Sentyabrın 5-də Rusiya prezidenti Vladimir Putin Şərq İqtisadi Forumunda  çıxışı zamanı deyib ki , ABŞ-da keçirilən prezident seçkilərində Moskvanın favoriti ölkənin hazırkı lideri Co Bayden olub . Lakin onun seçki yarışından geri çəkilməsindən sonra Kreml onun varisi, vitse-prezident Kamala Harrisi dəstəkləyəcək.

Aynur TAC