ABŞ və Britaniya Husilərin nəzarətində olan Hudeyda hava limanına 3 hava zərbəsi endirdi

ABŞ-Britaniya dəniz koalisiyası cümə günü Yəmənin Husilərin nəzarətində olan Hudeyda hava limanına üç hava zərbəsi endirib.

TodayPress xəbər verir ki, sakinlər obyektdəki partlayışları “güclü” deyə təsvir ediblər.

Koalisiya hələlik zərbələrlə bağlı heç bir şərh verməyib.

Husi qruplaşması 2014-cü ilin sonlarında Qırmızı dəniz liman şəhəri Hudeyda və bir sıra şimal şəhərlərinə nəzarəti ələ keçirdikdən sonra hava limanı bağlanıb.

Cümə axşamı ABŞ Mərkəzi Komandanlığı “X” sosial media platformasında bildirib ki, qüvvələri Qırmızı dənizdə Husilərə məxsus beş pilotsuz qayıq və üç bomba yüklü pilotsuz uçuş aparatını məhv ediblər.

Nəzrin Cavadzadə