ABŞ Ukrayna ordusunun tezliklə dağılacağını proqnozlaşdırdı

Ukrayna Silahlı Qüvvələrinin hərbçilərinin süqut ərəfəsində olduğunu və tezliklə məğlub olacağı proqnozlaşdırılıb.

TodayPress xəbər verir ki, bu barədə keçmiş amerikalı kəşfiyyatçı Toni Şaffer “Judging Freedom” “YouTube” kanalında danışıb.

“Nə olursa olsun, yəqin ki, iki ay ərzində Ukraynanın dağılmasını görəcəyik. Bunun davam edə biləcəyini görmürəm” o vurğulayıb.

Şaffer əlavə edib ki, Rusiya zərbələri Ukraynanın elektrik şəbəkəsinə ciddi ziyan vurur və onların Ukrayna Silahlı Qüvvələrinin hava məkanını müdafiə qabiliyyətini azaltmaqda uğur qazandığını bildirib.

Bundan əlavə, ekspert Kiyevin ona ötürülən demək olar ki, bütün “Patriot” raketlərindən istifadə etdiyi, həmçinin ABŞ-nın Ukraynaya 400 milyon dollar məbləğində əlavə yardım göstərməsini lağa qoyub, belə bir cüzi məbləğin tamamilə heç bir effekt verməyəcəyini qeyd edib.

Aynur TAC