ABŞ Ukrayna danışıqları ilə bağlı xəbərdarlıq etdi

Ukraynadakı münaqişənin həlli ilə bağlı danışıqlar mümkün qədər tez aparılmalıdır. 

TodayPress xəbər verir ki, bunu "YouTube"da ABŞ ordusunun keçmiş polkovniki Daniel Devis bildirib.

Onun sözlərinə görə, münaqişənin davam etməsi Qərb ölkələri üçün sərfəli deyil. 

Devis vurğulayıb ki, Rusiya döyüş meydanında tam üstünlüyünə baxmayaraq, sülh danışıqlarına hazırdır, ancaq onun şərtləri yerinə yetirilərsə, bu baş tuta bilər.

“Ukraynada sülh istəsəniz də, indiki şəraiti bəyənməsəniz belə, xəritəniz var, xəbəriniz var, cəbhə xəttinin Qərbə necə sürüşdüyünü asanlıqla görə bilərsiniz. İndi hər şey onu göstərir ki, biz təcili sülh bağlamalıyıq, yoxsa çox gec olacaq” deyə o, xəbərdarlıq edib.

Töhfə Səməd