ABŞ tezliklə altıncı nəsil “F-47” qırıcılarını alacaq

ABŞ tezliklə altıncı nəsil “F-47” döyüş təyyarələri alacaq. 

TodayPress “RİA”ya istinadən xəbər verir ki, bu barədə ABŞ prezidenti Donald Tramp bildirib.

"Hərbi Hava Qüvvələrimiz bu səviyyəli yeganə qırıcı olan “F-47”ni alacaq. Niyə bu adı seçdiklərini bilmirəm, amma bu, təsir edici bir maşındır" Tramp Qətərdəki Əl-Udeid aviabazasında çıxışı zamanı deyib.

O, həmçinin qeyd edib ki, “F-35”in müvəqqəti olaraq “F-55” adlanan yenilənmiş versiyası iki mühərriklə təchiz ediləcək.

"Bu, daha etibarlıdır" ABŞ prezidenti qeyd edib.

Həmçinin ABŞ prezidenti bildirib ki, yeni “F-47” qırıcıları yüzlərlə pilotsuz təyyarənin müşayiəti ilə döyüş tapşırıqlarını yerinə yetirəcək. 

O, ABŞ-nin döyüş təyyarələrini müşayiət etmək üçün ucuz dronların xüsusi xətti yaradacağını bildirib.