ABŞ Tayvana 2 milyard dollarlıq silah satacaq

Birləşmiş Ştatlar Tayvana 2 milyard dollarlıq silah satışı, o cümlədən Ukraynada sınaqdan keçirilmiş təkmil zenit-raket kompleksinin tədarükünü təsdiqləyib.

TodayPress xəbər verir ki, bu barədə “Reuters” məlumat yayıb. 

Pentaqonun Müdafiə Təhlükəsizliyi üzrə Əməkdaşlıq Agentliyi 1,16 milyard dollar dəyərində raket kompleksləri və radarların satışı üzrə yeni müqaviləni qiymətləndirib.

Pentaqonun məlumatına görə, əsas podratçı “RTX Corp” olacaq.

"Bu satış ABŞ-nin milli maraqlarına, iqtisadiyyatına və təhlükəsizliyinə xidmət edir" deyə departamentin bəyanatında bildirilib.

Qeyd edilib ki, raket kompleksinin satışı üç milli qabaqcıl orta mənzilli zenit-raket kompleksinə (NASAMS) aiddir ki, bunlara qabaqcıl yer-hava raketləri olan “AMRAAM”lar daxildir. 

Töhfə Səməd