ABŞ Suriyada növbəti münaqişə ssenarisinin təkrarlanmasından qorxur

ABŞ Suriyada əfqan ssenarisinin təkrarlanmasından qorxur və oxşar vəziyyətin inkişafının qarşısını almağa çalışır. 

TodayPress xəbər verir ki, bu barədə "The New York Times" (NYT) məlumat yayıb.

Suriyanın yeni hakimiyyət orqanları ilə qarşılıqlı əlaqə qurarkən Amerika rəsmiləri ABŞ üçün ağrılı epizodu - Əfqanıstanda hakimiyyətin Taliban hərəkatının nəzarətinə keçməsini xatırlayırlar.

Ötən həftə üç amerikalı diplomat Dəməşqdə Suriya prezidenti Bəşər Əsədi devirən İslamçı "Heyət Təhrir əl-Şam" (HTŞ) qruplaşmasının liderləri ilə görüşüb. Onların məqsədi ölkənin yeni hakimiyyətini inklüziv və mötədil əllə idarə etməyə inandırmaq olub.

ABŞ rəsmiləri ümumiyyətlə üsyançıların doğru şeylər söylədiklərinə inanırlar, lakin onlar HTŞ rəhbəri və faktiki lider Əhməd əl-Şaraa qarşı ehtiyatlıdırlar. "Onlar qorxurlar ki, o, 2021-ci ildə Əfqanıstanda Taliban liderlərinin etdiyi kimi hakimiyyəti gücləndirməyi və bəlkə də sərt İslam qaydası tətbiq etməyi planlaşdırdığı üçün beynəlxalq dəstək qazanmaq məqsədilə özünü yalandan yaxşı göstərə bilər".

Töhfə Səməd