ABŞ Səudiyyə Ərəbistanına 2,8 milyard dollarlıq hərbi satışa razılıq verdi

ABŞ Dövlət Departamenti Səudiyyə Ərəbistanına təxminən 2,8 milyard dollar dəyərində xarici hərbi satış paketini təsdiqləməyə qərar verib.

TodayPress xəbər verir ki, mövzu ilə bağlı ABŞ Müdafiə Nazirliyi (Pentaqon) daxilində xarici silah satışına nəzarət edən Müdafiə Təhlükəsizliyi Əməkdaşlıq Agentliyi tərəfindən yazılı açıqlama verilib.

Açıqlamaya görə, Səudiyyə Ərəbistanına 2,8 milyard dollar dəyərində hərbi “sistem logistikası və davamlı dəstək” elementlərini ehtiva edən satış paketi təsdiq edilib və lazımi sertifikat Konqresə verilib.

Bu təsdiqlənmiş satışın Səudiyyə Ərəbistanının təhlükəsizliyini artıracağı, bunun da ABŞ-nin xarici siyasəti və milli təhlükəsizlik məqsədlərinə dəstək olacağı bildirilib.

Nəzrin Cavadzadə