ABŞ qoşunları Meksika ilə sərhədə gəlməyə başladı

Amerika qoşunları təhlükəsizliyi təmin etmək üçün ABŞ-nin Meksika ilə sərhədinə gəlməyə başlayıb.   

TodayPress xəbər verir ki, bu barədə mənbələrə istinadən "Associated Press" (AP) məlumat yayıb. 

“Fəal hərbi birləşmələr El Paso, Texas və San Dieqoya gəlməyə başlayıb. Bu, cənub sərhədinin təhlükəsizliyini təmin etmək üçün yerləşdiriləcək qüvvələrin ilk hissəsidir” deyə agentlik Pentaqondakı mənbələrdən bildirib. 

Qeyd edilib ki, hazırda gələcəkdə dislokasiya olunacaq hərbi qulluqçuların dəqiq sayı məlum deyil, lakin onların tərkibində aktiv hərbçilər, Milli Qvardiya və ehtiyatda olan hərbçilər, eləcə də quru, hava və dəniz qüvvələri olacaq. Onların ümumi sayının minlərlə ola biləcəyi təxmin edilir. 

Xatırladaq ki, yanvarın 22-də "CNN" ABŞ-nin Meksika ilə sərhədi qorumaq üçün tezliklə minlərlə əsgər göndərəcəyini bildirmişdi. Kanalın məlumatına görə, gücləndiricilər yuxarıda göstərilən tapşırıqlardan əlavə, hava əməliyyatlarında, təhdidlərin təhlilində, miqrant axınına nəzarətdə, həmçinin hərəkətlərin əlaqələndirilməsinə kömək edəcək. 

Töhfə Səməd