ABŞ nüvə silahı təlimlərinə başladı

Dünya

27.01.2025 10:20

ABŞ-nin Nyu-York ştatının Şenektadi şəhəri yaxınlığında nüvə insidentlərinin nəticələrini aradan qaldırmaq üçün idarələrarası təlim başlayıb.

TodayPress xəbər verir ki, bu barədə Federal Təhqiqatlar Bürosu (FTB) məlumat yayıb.

Məlumatda bildirilib:

“Təlim iştirakçı təşkilatlara ABŞ-də və ya xaricdə nüvə insidentinə cavab vermək üçün təcrübə keçmək və əməliyyat hazırlığını təkmilləşdirmək imkanı verir”.

Təlimlər yanvarın 26-dan 31-dək keçiriləcək.

FTB təlimlərin ictimaiyyət üçün təhlükə yaratmadığını vurğulayıb.

Nicat Osman