ABŞ İrana qarşı sanksiyaları genişləndirdi

Dünya

10.09.2024 22:15

Britaniyada səfərdə olan ABŞ Dövlət katibi Antoni Blinken Birləşmiş Ştatların İrana qarşı yeni sanksiyalar tətbiq edəcəyini açıqlayıb.

TodayPress xəbər verir ki, o, bu barədə Böyük Britaniyanın xarici işlər naziri Devid Lemmi ilə keçirdiyi birgə mətbuat konfransı zamanı deyib.

Bundan əvvəl Vaşinqton administrasiyası İranın "Iran Air” aviaşirkətini sanksiyalar siyahısına əlavə edib.

Şirkətə qarşı yeni məhdudiyyətlər onun Rusiya ilə əlaqələri, eləcə də silahların daşınması ilə bağlıdır.

ABŞ Maliyyə Nazirliyi İranın bir sıra digər İran fiziki və hüquqi şəxslərinə qarşı da məhdudiyyətlər elan edib.

Bundan əvvəl Almaniya, Fransa və Böyük Britaniyanın da İran Hava Yollarına qarşı sanksiyalar tətbiq etmək niyyətində olduğu bildirilirdi.

Aynur TAC