ABŞ-də 3748 nüvə başlığı var: NNSA

Amerika Birləşmiş Ştatlar nüvə başlıqlarının sayı ilə bağlı məlumatların məxfiliyini ləğv edib.

TodayPress xəbər verir ki, bu barədə ABŞ Milli Nüvə Təhlükəsizliyi Agentliyi (NNSA) məlumat yayıb.  

2023-cü ilin sentyabr ayına olan məlumata görə, hazırda ölkədə 3 min 748 nüvə başlığı var. 30 sentyabr 2020-ci ildən indiyədək 405 döyüş başlığı məhv edilib. NNSA, həmçinin 1967-ci ildə (31 min 255 ədəd) və 1989-cu ildə (22 min 217 ədəd) ABŞ-də olan döyüş başlıqlarının sayını açıqlayıb. 

Nüvə Silahlarının Ləğv Edilməsi üzrə Beynəlxalq Kampaniyanın (ICAN) məlumatına görə, ABŞ 2023-cü ildə atom silahlarına 51,5 milyard dollar xərcləyib. Bu xərc nüvə arsenalına malik doqquz ölkənin xərcindən böyükdür. Ümumilikdə isə ölkələr öz arsenallarının saxlanması və modernləşdirilməsinə 91,4 milyard dollar xərcləyib.

Günəş Mərd