ABŞ, Almaniya, Britaniya və Fransa liderləri bir araya gələcəklər

Almaniyada Bayden, Şolts, Makron və Starmer arasında görüş hazırlanır.

TodayPress xəbər verir ki, bu barədə "Spiegel" Berlinin hökumət dairələrindən daxil olan məlumata istinadən yazır.

Nəşrin məlumatına görə, ABŞ prezidenti oktyabrın 10-dan 12-dək ölkəyə səfər edəcək. Almaniya hökuməti Bayden ölkədə olarkən Fransa prezidenti Emmanul Makron və Böyük Britaniyanın baş naziri Kir Starmeri də dəvət etməyi planlaşdırır.

Rusiyalı politoloq Sergey Markovun fikrincə, "Dördlük" adlanan formatda keçiriləcək görüş, çox güman ki, ABŞ prezidentliyinə namizəd Kamala Harrisə dəstəyə həsr olunacaq.