45 ölkənin nümayəndəsi BRİKS media sammiti üçün Moskvaya gəlir

Sentyabrın 13-17-də Moskvada keçiriləcək BRİKS media forumunda 45 ölkədən 60-dan çox KİV-in rəhbərləri və aparıcı mütəxəssisləri  gələcək.

TodayPress xəbər verir ki, bu barədə “TASS” məlumat yayıb.

Bildirilib ki, forumun əsas mövzusu çoxqütblü dünyada medianın rolu olacaq.

Foruma BRİKS-ə üzv ölkələrin - Braziliya, Çin, Efiopiya, Misir, Hindistan, İran, BƏƏ, Rusiya, Səudiyyə Ərəbistanı, Efiopiya və Cənubi Afrikadan jurnalistlər gələcək.

Sentyabrın 14-nə planlaşdırılan rəsmi açılış mərasimində "TASS"ın baş direktoru Andrey Kondraşov, BRİKS Media Forumunun icraçı sədri və Çinin Sinxua xəbər agentliyinin prezidenti Fu Hua, Rusiya xarici işlər nazirinin müavini Sergey Ryabkov, Rusiyanın rəqəmsal inkişaf üzrə müavini, Rabitə və Kütləvi İnformasiya Vasitələri naziri Bella Çerkesova, Rusiya XİN-in İnformasiya və Mətbuat Departamentinin direktoru Mariya Zaxarova, Dövlət Dumasının Beynəlxalq Əlaqələr Komitəsinin sədri Leonid Slutski olacaq.

Qeyd  edək ki, BRİKS media forumu BRİKS-ə üzv ölkələrin aparıcı media qurumları arasında dialoq üçün qeyri-hökumət, qeyri-kommersiya platformasıdır. O, 2015-ci ildə Çinin Sinxua xəbər agentliyinin təşəbbüsü ilə yaradılıb. BRİKS-ə sədrlik edən ölkədə BRİKS media forumları keçirilir.

Aynur TAC