104 illik ənənə ləğv edilir

Martın 24-də Kanada və ABŞ sakinlərinin sərbəst şəkildə Haskell Pulsuz Kitabxanası və Opera Teatrının əsas girişindən keçməsinə icazə verilməyəcək. 

TodayPress “CBS News”a istinadən xəbər verir ki, kanadalılar adətən ABŞ tərəfdə yerləşən təxminən 21 metr uzunluğundakı piyada yolundan istifadə edərək, şəxsiyyət vəsiqəsi və ya sürücülük vəsiqəsi təqdim etməklə kitabxananın əsas girişindən daxil olublar. 

Lakin ötən həftə ABŞ hakimiyyəti bu sərbəst keçidin dayandırılacağını və kanadalıların əksəriyyətinin bundan sonra yalnız Kanadadakı ayrıca girişdən istifadə etməli olacaqlarını açıqlayıb.

Yeni qaydalara əsasən, yalnız kitabxananın üzvləri Vermontdakı əsas girişdən istifadə edə biləcəklər. Üzv olmayan şəxslər isə Kanadadakı alternativ girişdən keçməli olacaqlar. Bununla belə, kitabxana daxilində ABŞ və Kanada vətəndaşları sərbəst şəkildə ünsiyyət qura biləcəklər.

Qeyd edək ki, 1901-ci ildə sərhəd bölgəsində inşa edilən Haskell Pulsuz Kitabxanası və Opera Teatrı, ABŞ-nin Derby Line və Kanadanın Stanstead şəhərləri arasında mədəni və sosial əməkdaşlığı təşviq etmək məqsədi daşıyır. Tarixi binanın içərisində 400 nəfərlik opera teatrı yerləşir və onun döşəməsində sərhədi simvolik olaraq göstərən qalın bir xətt var.

Qiymət Mahir