Deputat: “Ekoloji cəhətdən çətinlik çəkən ölkələrə dəstək olmalıyıq”

“Ekologiya ilə bağlı işlərin təməli hələ 1969-cu ildən qoyulub”. 

TodayPress xəbər verir ki, bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov “Azərbaycanın dayanıqlı inkişafı naminə: Ətraf mühit, Sosial və Korporativ İdarəetmə (ESG) üzrə Vahid platformanın və milli standartın təqdimatı”na həsr olunmuş konfransda deyib.

Onun sözlərinə görə, COP29-da müzakirə olunan əsas məsələlərdən biri də maliyyənin toplanması və dərhal ehtiyacı olan ölkələr üçün sərf edilməsidir. 

Dünyada müharibə və münaqişələrə xərclənən vəsaitlər COP29-da hədəflənən pul miqdarından qat-qat çoxdur. Buna görə də mütləq ki, vəsaiti düzgün yönləndirməli, ekoloji cəhətdən çətinlik çəkən ölkələrə dəstək olmalıyıq. 

Töhfə Səməd