Baş katib: “COP29-da 2035-ci ilə qədər maliyyələşmənin həcmi 3 dəfə artırılıb”

COP

25.01.2025 11:28

"İqlim böhranı bəşəriyyət üçün əsas çağırışa çevrilib".

TodayPress xəbər verir ki, bunu BMT-nin Ümumdünya Meteorologiya Təşkilatının (ÜMT) baş katibi Selest Saulo bildirib.

O hesab edir ki, miqyasına görə iqlim dəyişikliyi ilə mübarizə üçün daha çox maliyyə vəsaiti lazımdır.

“Biz iqlim dəyişikliyi ilə mübarizə və iqlim fəaliyyətinə dəstək üçün beynəlxalq öhdəliklərin çoxlu əlamətlərini görürük. Təkcə hökumətlər tərəfindən deyil, getdikcə daha çox korporativ və biznes sektorları, eləcə də vətəndaş cəmiyyəti tərəfindən də” baş katib vurğulayıb.

Bununla belə, o, iqlim dəyişikliyi ilə bağlı maliyyələşmənin əhəmiyyətli dərəcədə artdığını etiraf edib.

Məsələn, Bakıda keçirilən 29-cu İqlim Dəyişikliyi Konfransında onlar 2035-ci ilə qədər maliyyələşmənin həcmini üç dəfə artıraraq ildə 300 milyard dollara çatdırmaq qərarına gəliblər.

Baş katib hesab edir ki, bundan sonra daha çox vəsait lazım olacaq.

Günəş Mərd