Avropa İttifaqının komissarı: “COP29-u səbirsizliklə gözləyirəm”

“Reallıq ondan ibarətdir ki, hələ görüləcək çox iş var. Lakin mən əminəm ki, biz bunun öhdəsindən uğurla gələcəyik. “BƏƏ konsensusu”na nail olmaq üçün daha çox iş görəcəyik”.

TodayPress xəbər verir ki, bunu Avropa İttifaqının (Aİ) İqlim fəaliyyəti üzrə komissarı Vopke Hoekstra ADA Universitetində çıxışı zamanı deyib.

Onun sözlərinə görə, COP29-da da bizim ən böyük hədəfimiz Afrika ölkələri üçün ciddi maliyyə yardımlarını toplamaqdır. Çünki onlar daha yaxşı təhsil almalı və təmiz şəraitdə yaşamalıdırlar. Buna görə də COP29-da iştirak edən bütüm tərəflərin üzərinə böyük məsuliyyət düşür.

“Mən inanıram ki, COP29-da ötən il Dubayda baş tutan konfransda əldə edilən nəticələrin davamlılığı və inkişafı təmin ediləcək. Ötən il xüsusi olaraq yadda qaldı. Çünki biz bir sıra razılıqlar əldə etdik. Buna görə də, COP29-u səbirsizliklə gözləyirəm. Hələ görəcəyimiz çox iş var”.

Qeyd edək ki, tədbirdə bir sıra səfirlik nümayəndələri, universitet tələbələri iştirak edir. Görüş çərçivəsində komissar iştirakçıların suallarını cavablandırıb.

Töhfə Səməd