Xocalıda qumbara partlaması nəticəsində yaralanan şəxsin vəziyyəti AÇIQLANDI

02.05.2025-ci il tarixində işğaldan azad edilmiş Xocalı rayonunun Xanyurd kəndi ərazisində hərbi sursatın partlaması hadisəsi nəticəsində xəsarət alan 2008-ci il təvəllüdlü (kişi şəxs) Nərimanov Tibb Mərkəzinin nəzdində olan Şuşa Modul Tipli Xəstəxasına təxliyə edilib.   

Bu barədə TodayPress-in sorğusuna cavab olaraq TƏBİB-dən məlumat verilib.

Ona sağ əlin I, II, III barmaqlarının travmatik amputasiyası diaqnozu təyin edilib.   

Xəsarət alan şəxsə zəruri tibbi yardım göstərildikdən sonra ambulator müalicə üçün evə buraxılıb.

Töhfə Səməd